TRETMANET RESPIRATORE
Inhalimi me Ujë Termal – Trajtimi Natyral për Probleme të Frymëmarrjes
Inhalimi me ujë termal është një procedurë natyrale që përdor avujt e ujit të ngrohtë dhe mineralik për të lehtësuar problemet e frymëmarrjes. Avujt e ujit termal përmbajnë minerale dhe elementë që ndihmojnë në pastrimin e rrugëve të frymëmarrjes, uljen e inflamacionit dhe lehtësimin e simptomave të sëmundjeve të traktit respirator si astma, bronkiti dhe alergjitë. Ky trajtim i sigurt dhe efikas përdoret gjithashtu për të përmirësuar qarkullimin e gjakut dhe për të ndihmuar në relaksimin e muskujve të frymëmarrjes.
Terapia me Oksigjen – Trajtimi për Lehtësimin e Problemeve Respiratore dhe Rritjen e Kondicionit
Procedura:
Terapia me oksigjen aplikohet përmes sondës nasale, e cila sjell oksigjen në vrimat e hundës. Oksigjeni kalon nëpër ujë për të parandaluar tharjen e rrugëve të frymëmarrjes. Ky trajtim zgjat të paktën 1 orë dhe është i rekomanduar të kryhet ulur. Aktivitetet relaksuese si leximi ose dëgjimi i muzikës janë të preferuara gjatë trajtimit.
Indikacionet:
Oksigjeni është i dobishëm për trajtimin e sëmundjeve respiratore si bronkiti, astma, emfizema pulmonare dhe kanceri i mushkërive. Po ashtu, ndihmon në uljen e frekuencës së sulmeve nga angina pectoris, përmirëson gjendjen pas një infarkti të myocardit, ndihmon pas kimioterapisë, rrit imunitetin dhe përmirëson qarkullimin e gjakut. Terapia gjithashtu rrit kondicionin pas stresit dhe mund të përshpejtojë shërimin e plagëve.
Kontraindikacione:
Nuk janë të evidentuara.