Për Ne
ONIX Banja e Pejës paraqet një ambient jashtëzakonisht impresiv, jo vetëm si vlerë natyrore, si peizazh me një klimë të përshtatshme, kontinentale, por edhe me resurset që i ka të cilat e bëjnë të vlerësohet si mrekulli natyrore, si banjë më e veçantë në tërë Ballkanin, me lartësi mbidetare 535-540 m. Termi “ilixha” vjen nga turqishtja, domethënë: banjë.
Historiku
Varri Princëror ilirë
Rreth Nesh
Onix Spa Thermal Resort është një qendër rehabilituese me një histori të pasur, që mbështetet në një traditë shumëshekullore. Ujërat e saj termo-mineralë janë shfrytëzuar që nga Antika nga ilirët, romakët, osmanët dhe popuj të tjerë që kanë kaluar nëpër Dukagjin dhe Kosovë.
Tradita Historike
Sipas hulumtimeve arkeologjike, këto ujëra kanë qenë të njohura qysh nga koha e romakëve dhe janë përdorur gjithashtu nga sunduesit serbë gjatë Mesjetës. Në hapësirën e resortit ndodhet gjithashtu varri princëror ilir i periudhës së vonë të hekurit, datuar në shekujt VI-V p.e.s., me numrin unik të lokalitetit arkeologjik 003601.
Poashtu në hapësirën e resortit gjendet edhe varri Princëror ilirë, i periudhës së vonë të hekurit, shekujt VI-V p.e.s., numri unik i lokalitetit arkeologjike 003601.
Zhvillimi i Banjës
Objekti i parë rehabilitues, “ILIXHA”, u ndërtua në vitin 1935. Emri i saj, që do të thotë “banjë me burim të ujit termal”, është trashëguar nga turqit dhe është përdorur për shëndet për shumë vite. Gjatë viteve 1980, ky resort, i njohur si “Instituti Mjekësor Fizikal dhe Rehabilitues Banja e Ilixhës në Pejë”, trajtonte mbi 100,000 pacientë çdo vit me një staf shumë profesional. Megjithatë, gjatë viteve të 1990-ta, Banja e Ilixhës përjetoi shkatërrime të mëdha.
Rindërtimi dhe Modernizimi
Pas privatizimit në vitin 2013, Onix Spa hyri në një fazë të re zhvillimi, duke u angazhuar për rindërtimin dhe modernizimin e infrastrukturës dhe shërbimeve shëndetësore. Ne jemi të përkushtuar për të ofruar shërbime të shkëlqyera rehabilituese për të gjithë vizitorët tanë.
Onix Spa ju fton të përjetoni traditën tonë dhe shërbimet tona të nivelit të lartë!
Përshkrimi gjeografik dhe klima
Përshkrimi gjeografik
Onix Spa ndodhet në pjesën perëndimore të Kosovës dhe ofron një ambient jashtëzakonisht të impresionueshëm. Ajo njihet për vlerat e saj natyrore dhe peisazhet mahnitëse, duke e bërë këtë vend një mrekulli natyrore dhe një nga banjat më të veçanta në Ballkan.
Duke qenë në një pozicion gjeografik strategjik dhe me rrugë të zhvilluara mirë, Onix Spa është e lehtë për t'u arritur nga çdo rajon i Kosovës dhe më gjerë.
Klima
Klima në Onix Spa është kontinentale, me një lartësi mbidetare prej 540 metrash. Dimrat janë të shkurtë dhe të butë, ndërsa verërat janë të gjata dhe të ngrohta, të shoqëruara me freski të këndshme. Temperatura e ajrit është faktori kryesor që përcakton gjatësinë dhe cilësinë e sezonit turistik, qoftë verë apo dimër.
Temperatura mesatare vjetore është 11 °C. Muaji më i ftohtë është janari, me temperatura deri në -0.5 °C, ndërsa muaji më i ngrohtë është korriku, me temperatura që arrijnë deri në 27 °C
Kjo klimë e përshtatshme e bën Onix një destinacion tërheqës për vizitorët gjatë gjithë vitit. Zbuloni bukuritë natyrore dhe përfitoni nga shëndeti që ofron ky vend unik!
Ekipi ynë
Onix Spa disponon një ekip profesionistësh me përvojë të gjerë në fushën e shëndetësisë. Ekipi ynë përbëhet nga:
- Doktorë fiziatër me specializim në rehabilitim, specialist të pneumoftiziologjisë, specialist të mjekësisë familjare, specialist të biokimisë klinike, specialist të radiologjisë si dhe doktor të mjekësisë;
- Fizioterapeutë të kualifikuar dhe terapeutë të lartë të punës;
- Infermierë të kualifikuar, farmacist, teknik të farmacisë, teknik të radiologjisë, laborant mjekësor dhe teknik laborant mjekësor.
Përkushtimi ynë për cilësinë dhe profesionalizmin garanton një shërbim të shkëlqyer për të gjithë pacientët. Ne jemi këtu për t'ju ndihmuar të arrini shëndetin dhe mirëqenien tuaj!
Shëndetësi
Onix Spa Thermal Resort është e angazhuar të ofrojë shërbime që plotësojnë dhe kalojnë kërkesat e standardeve ndërkombëtare ISO . Përdorimi i këtyre standardeve të njohura dhe të testuara globalisht është një pjesë e rëndësishme e misionit tonë për të siguruar që çdo aspekt i ofrimit të shërbimeve tona, nga trajtimet shëndetësore dhe rehabilituese deri tek akomodimi dhe shërbimi hotelier, të jetë në përputhje me standardet më të larta të cilësisë dhe sigurisë, duke garantuar një përvojë të jashtëzakonshme për të gjithë vizitorët.
